Askeladden vil på leppefiske

Med sin nye P66 Multi tilbyr Askeladden ein båt som kan leverast frå enklaste utgåve, ein stor open båt med styrekonsoll til komplett styrhusbåt tilrettelagt for fleire arbeidsoppgåver.

– Om du ikkje vil ha styrhus kan du sjølv velja kvar du vil plassera det doble styrekonsollet, bak eller framme, opplyser marknadssjef Leif Bergaas hos Askeladden Boats AS.

Vidare kan du bygga på med utstyr som fisketank, garn- og teine løftar med arbeidskonsoll, dieselvarmar, spyletoalett, dekkspyling, baugpropell og fleire andre utstyrseiningar.

Tank med sortering for leppefisk

P66 kan utrustast med 200- eller 500-liters fisketank med kraftig sirkulasjonspumpe.

Lokket på den største tanken kan tilpassast sorteringsbehov for leppefisk.

Mykje lagringsplass

I tillegg til ein eventuell fisketank har båten frå før mykje plass til utstyr, og ikkje berre på dekk.

Båten har nemleg 5 store luker i dørken som gjev ekstra god plass til utstyr og last av ulike slag.

Lansering i Oslo

Askeladden P66 Multi følgjer opp den suksessrike P-serien frå Askeladden Boats.

Første gong den blir vist er på messa Båter i Sjøen på Kadettangen i Sandvika 6. til 9. september.

– I ein marknad der fokus i stor grad har dreidd vekk frå luksus, teak og kostbare tekstilar vil nok mange oppleva P66 Multi som eit nytt, ærleg og langt meir tidsriktig båtkonsept, trur Bergaas.