Astrid S klar for Tysnesfest

Astrid Smedplass (20), som kom på 5. plass i Idol same år som Eirik Søfteland tok seg til finale (2013), har hatt ei stor karriere etter songkonkurransen.

«Shattered» selte til gull i Noreg og låg åtte veker på VG-lista, ho blei nominert tilårets mest lovande artist i 2014 (UtAwards), i 2015 song ho med Shawn Mendes på låten «Air» på hans debutalbum Handwritten, som toppa Billboard-lista og i går vann ho Spellemannprisen for Årets nykommer i 2016 samtidig som ho fekk Gramostipendet.

• Les òg: To Spellemannprisar til Aurora

Astrid S avlutta Spellemannshowet med framføring av «Hurts so good», som allereie er streama over 110 millionar gongar på Spotify.

Ho skal etter det Midtsiden kjenner til ha valt Os-douen Kream sin remix av låten.

• Les òg: Kream passerte Aurora

Tysnesfest-arrangørane har smurd seg inn med ei porsjon timing og slepp Astrid S som ein av artistane til årets festival.

Tysnesfest 2017 blir arrangert 12. til 16. juli i år.

Blant andre artistar på plakaten finn vi: Kristoffer Cezinando, Kim Larsen & Kjukken, Highasakite, Staysman & Lazz med Katastrofe som gjest, DeLillos, Vamp, Sivert Høyem, Janove Ottesen, Ausekarane, Sigvart Dagsland og Karoline Krüger, De Musikalske Dvergene og Storm Weather Shanty Choir.