Lokal | 15. feb. 2012

Åtvarar mot "databande"

Utlending tok kontakt med osing og fortale at vedkomande hadde dataproblem. Personen inviterte seg heim til osingen "for å reparera feilen".

Åtvarar mot "databande"
Kjetil Vasby Bruarøy
Kjetil Vasby Bruarøyonsdag 15. feb. 2012 14:20

Onsdag ettermiddag blei ein osing oppringt frå ein utlending som snakka dårleg norsk. Vedkomande fortalte at han hadde oppdaga, via internett, at osingen hadde alvorlege feil på datamaskina si.

– Dette er naturlegvis berre tull. Spørsmålet er kva vedkomande ville. Uansett er han neppe i ærleg ærend, trur Bjørn Sande frå Sande Dataconsult AS i Os.

Åtvarar mot mogleg svindelforsøk

Sande blei oppringt av kunden som hadde blitt kontakta av utledingen. Heldigvis hadde kunden takka nei til hjelp frå den ukjente mannen.

– Dette er kanskje ein bande på veg til Os på raid, kva veit eg. Dei vil kanskje rekognisera før innbrot eller legga igjen software som snappar opp passord til nettbank, uansett trur eg det er viktig at osingane blir åtvara mot liknande forsøk på å koma seg heim til folk og tukla med datamaskina deira.

Lett å lata seg lura

– Det er mange som ikkje kan så mykje data, og som er potensielle offer for denne type lureri. Eg håper ikkje det blir napp å få i Os, seier Bjørn Sande.

Då Midtsiden snakka med politiet onsdag ettermiddag hadde dei ikkje høyrt om liknande tilfelle, i alle fall ikkje no nyleg.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.