Åtvarar mot «smishing»

Osingen let seg ikkje lura, men det er det fleire andre som gjer når svindelforsøka flyttar seg frå epost til sms.

Kjetil Vasby Bruarøy
Kjetil Vasby Bruarøyonsdag 26. jan. 2011 11:56

Sundag formiddag fekk ein Midtsiden-lesar meldinga over inn på mobiltelefonen sin.

Mottakaren fekk veta at hans nummer hadde blitt trekt ut som vinnar i ein Nokia-kampanje.

Premien på 270.000 pund, altså rundt 3 millionar kroner, kunne han ifølgje meldinga få ved å senda frå seg «detaljane sine» til ei epostadresse, eller ved å ringa eit utanlandsk nummer.

«Detaljar» kan vera informasjon som personnummer og kontonummer.

Dette blir kalla «smishing» (phishing via SMS), og er ganske vanleg i USA.

Svindlarar sender ut tekstmelding med falsk innhald for å lura til seg sensitiv informasjon, informasjon som gjer det enklare for dei å svindla deg.

Allereie i 2006 blei det åtvara mot smishing i Noreg, men førebels har det vore få slike tilfelle, skriv nettstaden mobilen.no.

Osingen som via Midtsiden.no åtvarar mot sms-svindel er ikkje åleine. På nettstaden telefonterror.no kan fortelja om fleire som fekk denne meldinga i helga som var.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.