Åtvarar mot tiggarar

- Det kom ei dame og banka på og ba om hjelp, fortel ein innringar frå Haugsneset til Midtsiden.no.

- Ho prøvde ikkje å selja noko, men ba på gebrokkent norsk og litt engelsk om å få pengar. Dama såg ut til å vera i 50-åra og det var litt ubehageleg å få ho på døra.

I går skreiv avisene i Bergen om tiggarar i Nordhordland. Orgaiserte gjengar gjekk frå dør til dør og tigga.

Os og Os sør
Politiet fortel at dei har fått ni meldingar om tigging frå bustadfelt nær Os sentrum og i Os sør.

- Vi har nettopp vore på Lepsøy. Til no har vi snakka med to av dei, men vi er ganske sikker på at det er minst ein person til som tiggar i Os i dag, fortel politibetjent Caroline Druvik.

Politiet sjekka identiteten på dei to, og begge var frå Aust-Europa. Ein av personane viste seg å også ha vore blant dei som tigga i Nordhordland tidlegare i veka.

Kan vera aggressiv
Det er ikkje forbode å tigga, men om dei som bankar på oppfører seg aggressivt kan det vera grunnlag for pågriping.

- Eit av tilfella har vore i grenseland, men vi har ikkje tatt inn nokon.

Juristen i Bergen seier denne gjenge kan vera noko aggressiv i framferda, og politiet ber om tips dersom du får tiggarar på døra.

Du treff politiet i Os på vakttelefon 480 02 480