Åtvarar om ny tjuveribølgje

I september blei det stole ein 150 hk Yamaha frå ei hamn i Særvollsvika.

I oktober blei ein 100 hk og ein 150 hk Yamaha plukka av to båtar som låg i Forstrønesundet ved Lønnevågen.

– Det som er spesielt her, er kor lett tjuvane får gjennomført jobben, sjølv om båtane ligg i ein større marina, sa lensmann Oddbjørn Dyrdal til Midtsiden i haust.

Dyrdal fortel at i fleire av tilfella har tjuvane kappa fortøyningane til båten, for så å flytta til den til ein litt meir diskret plass kor motor vert lausna frå båt og tatt på land.

– Dette er ofte ikkje langt frå bryggeanlegget, men det er gjerne i kombinasjon med ein kai knytt til bilveg, kor motoren raskt blir flytta over på ein bil.

Ny tjuverirunde nær Os

Politiet fortel i dag at det kan sjå ut til å vera auka risiko for tjuveri frå hamnene i Os.

– Dei siste dagane har det vore fleire tjuveri av store påhengsmotorar frå tre ulike stadar, blant anna i Nordhordland, fortel politioverbetjent Atle Birkeland.

Politiet vil oppmoda båteigarar til å vurdera om av sikringa av båt og motor er god nok, og å vera merksame på aktivitet i hamnene i bygda.