Auka folkevekst i Os

Bildeserie:

1 av 1

I dag presenterer SSB statistikk om folketal og endringar i 2. kvartal.

På landsbasis var det 15.102 nyfødde og 12.440 innvandrarar frå april til juni.

Med 9.707 døde og 7.219 som flytta ut blei det låg auke, berre 10.660 fleire innbyggarar i Noreg på tre månadar.

I Hordaland vaks folketalet med 811. Os kommune sto for over 20 % av veksten. I første kvartal auka folketalet med 145 innbyggarar, og andre kvartal auka folketalet i Os med 173.

• Les òg: Kor gamle er osingane og kva land kjem innvandrarane frå?

Berre Fjell kommune, med vekst på 207, hadde større auke enn Os av kommunane i Hordaland.

23 av 33 kommunar opplevde vekst

Av 33 kommunar i Hordaland var det 23 som vaks i folketal.

Etter Fjell og Os var det Askøy (140) og Lindås (61) som vaks mest.

Modalen sto i ro, mens 9 kommunar fekk færre innbyggarar. Odda blei redusert mest, med -67 innbyggarar.

I Bergen var det nettoinnflytting på -308, den største kommunen i Hordaland blei, i den grad vekst er eit mål, «redda» av eigenproduksjon, med fødselsoverskot på 336.

På Tysnes var det motsett; med 8 fødde og 8 døde var det nettoinnflytting på 13 som skapte vekst.

Folketalet i Os: 20.470

Frå april til juni auka folketalet i Os frå 20.297 til 20.470.

• Les òg: Os passerte 20.000 innbyggarar

Os kommune, 2. kvartal 2017:
Fødde: 67
Døde: 18
Innflyttarar: 292 (38 av desse frå utlandet)
Utflyttarar: 168 (16 av desse til utlandet)

Innbyggartal (og vekst) i nabokommunar:
Fusa: 3.920 (17)
Tysnes: 2.853 (13)
Samnanger: 2.470 (-21)
Austevoll: 5.207 (30)

Sjå fleire tal for alle kommunane i Hordaland i tabellen under hovudbildet.