Lokal | 28. mai 2015

Aukar feste-avgifta med 2672 prosent

Opplysningsvesenets fond krev 1 996 000 kroner årleg av kommunen i feste-avgift for Prestegardsskogen. Pris i dag: 72 000 kroner.

Aukar feste-avgifta med 2672 prosent
Kommunen har fått krav om auka festeavgift for eit område i Prestegardsskogen bak Amfi (foto: Andris Hamre)
Andris Hamretorsdag 28. mai 2015 11:50

I samband med at administrasjonen har lagt fram 1. tertialrapport for politisk behandling kjem det fram at Opplysningsvesenets fond igjen krev ei enorm prisauke når ei festeavtale går mot sluten. Denne gongen er det området i Prestegardsskogen kor kommunen er tomtefestar, men framfestar det til bustader og næring.

I tertialrapporten står følgjande:

«Kommunen har fått varsel frå Opplysningsvesenets Fond om oppregulering av feltet Gudridhaugen. I utgangspunktet er festeavgifta foreslått oppregulert frå kr 72.000 pr år til kr 1.996.000 pr år.»

Dette tilsvarar ei årleg auke på 2672,22 prosent.

Vidare heiter det i rapporten:

«Varsel frå Opplysningsvesenets Fond om oppregulering av festeavgifta for feltet Gudridhaugen gjev ei meirutgift vi førebels ikkje har inndekning for, men vi er i dialog med Fondet. Det er ei generell utfordring for kommunen at vi har så vidt store areal som er festa og som blir framfesta til bustad- /næringsføremål, når vi ikkje kan føra tilsvarande avgift vidare til framfestar.»

Ikkje første gongen

Det er ikkje første gong fondet kjem med ei solid prisauke når festeavtaler er i ferd med å gå ut. I februar 2014 fortalde vi om Henrik Eidsvik, som fekk krav om ei solid auke i festeavgift for naustet han hadde i Oselva.

Fondet grunngav då avgiftsauka mellomanna med at verdiene på tomtene på Vestlandet generelt er mykje høgre no enn tidlegare.

Då kommunen på same tid ville kjøpa ut tomter i sentrum frå festeavtalen, enda det med at kommunen tilslutt betalte 21 millionar for å overta eigedomsretten.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.