Aurora blei overraska med EBBA-prisen
Aurora var i intervju med NRK då ho fekk veta at ho får pris av EU for sin internasjonale suksess.
Då Aurora Aksnes var i intervju med NRK Hordaland si morgonsending i dag fekk ho veta at ho er ein av årets vinnarar av EBBA-prisen.
– Det er veldig rart og fint. Eg føler meg heldig som blir trudd på, seier Aurora til NRK.
European Border Breakers Awards var eit initiativ frå Europakommisjonen i 2004. Europakommisjonen ønskte å stimulera grensekryssande sirkulasjon av popmusikk og markera det store musikalske mangfaldet i Europa.
EBBA heidrar ti nye artistar eller grupper i året. Blant tidlegare vinnarar er Adele og Katie Melua.
Artistane eller gruppene som er nominert til prisen er valt på grunnlag av fylgjande kriterium:
• Suksessen til det første internasjonalt utgjeve albumet i europeiske land utanom heimlandet.
• Artisten eller gruppa har fått spelt songen sin på ein av radiokanalane som er medlem av EBU.
• Suksessen til artisten eller gruppa på europeiske festivalar utanfor heimlandet.
Sidan 2009 har prisutdelinga funne stad i januar kvart år, under Eurosonic Noorderslag-festivalen i den nederlandske byen Groningen, presentert av BBC-programleiar og musikar Jools Holland. Vinnarane opptrer live under showet og tidlegare vinnarar blir invitert til å opptre igjen. Showet blir kringkasta av NET3.
Kjelde: Wikipedia
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.