Kultur | 26. jan. 2016

Aurora på topp i Rolling Stone

– Ein av ti nye artistar du bør få med deg, meiner det verdskjente amerikanske magasinet om Aurora frå Os.

Aurora på topp i Rolling Stone
Kjetil Vasby Bruarøy
Kjetil Vasby Bruarøytirsdag 26. jan. 2016 08:15

Dr Hook har drøymd om det sidan starten på 70-talet, Aurora Aksnes har klart det – koma på «The cover of The Rolling Stone».

Det 49 år gamle verdskjente magasinet listar kvar månad opp 10 artistar og band dei meiner lesarane bør få med seg, på førsteplass av dei 10 i januar er Aurora.

Høyres ut som: «Norse folk ballads served on the rocks», meiner Rolling Stone, og skriv at Aurora sin musikk passar for dei som frå før liker Of Monsters and Men, Lorde eller Sia.

Les heile artikkelen på rollingstone.com.

– Det betyr sjølvsagt mykje å få slik merksemd av Rolling Stone, seier Kim Paulsen i Aksnes sitt plateselskap Petroleum til VG.no.

Plateslepp i mars, USA-turné i april

Aurora slepp debutalbumet «All My Demons Greeting Me as a Friend» i mars.

I april skal ho på turné i USA, ein turné som varer frå konsert i Los Angeles og San Francisco 4. og 5. april, via blant anna Seattle, Chicago, og New York før USA-turneen blir avslutta i Philadelphia og Washington 20. og 21. april.

Hennar andre singel frå albumet, «Conqueror» (som du kan høyra i videoruta over), er offisiell låt frå fotballspelet FIFA '16 Suzy Exposito.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.