Aurora sette publikumsrekord i Oseana

Verdssjerna blei hylla på heimebane! Sjå bildeserie og video frå rekordkonserten.

Kjetil Vasby Bruarøy
Kjetil Vasby Bruarøysøndag 28. feb. 2016 02:58

Bildeserie:

Aurora i Oseana. (Foto: Kjetil Vasby Bruarøy)
Aurora i Oseana. (Foto: Kjetil Vasby Bruarøy)
1.150 er tangering publikumsrekorden frå 2011. (Foto: Kjetil Vasby Bruarøy)
Aurora i Oseana. (Foto: Kjetil Vasby Bruarøy)
Aurora i Oseana. (Foto: Kjetil Vasby Bruarøy)
Aurora i Oseana. (Foto: Kjetil Vasby Bruarøy)
Odd Martin Skålnes på bass. (Foto: Kjetil Vasby Bruarøy)
Magnus Skylstad på trommer. (Foto: Kjetil Vasby Bruarøy)
Selma Frida Stang og Askjell Solstrand. (Foto: Kjetil Vasby Bruarøy)
Aurora i Oseana. (Foto: Kjetil Vasby Bruarøy)
Aurora i Oseana. (Foto: Kjetil Vasby Bruarøy)
Aurora i Oseana. (Foto: Kjetil Vasby Bruarøy)
Aurora i Oseana. (Foto: Kjetil Vasby Bruarøy)
1 av 11
Aurora i Oseana. (Foto: Kjetil Vasby Bruarøy)
1.150 er tangering publikumsrekorden frå 2011. (Foto: Kjetil Vasby Bruarøy)
Aurora i Oseana. (Foto: Kjetil Vasby Bruarøy)
Aurora i Oseana. (Foto: Kjetil Vasby Bruarøy)
Aurora i Oseana. (Foto: Kjetil Vasby Bruarøy)
Odd Martin Skålnes på bass. (Foto: Kjetil Vasby Bruarøy)
Magnus Skylstad på trommer. (Foto: Kjetil Vasby Bruarøy)
Selma Frida Stang og Askjell Solstrand. (Foto: Kjetil Vasby Bruarøy)
Aurora i Oseana. (Foto: Kjetil Vasby Bruarøy)
Aurora i Oseana. (Foto: Kjetil Vasby Bruarøy)
Aurora i Oseana. (Foto: Kjetil Vasby Bruarøy)

Eitt år etter førre Oseana-konsert, halvanna år etter første Osfest, to år etter gjennombrotet med Bylarm-konsert og terningkast 6 – rett etter at ho hadde pauseinnslag under kulturmønstringa - var Aurora der igjen.

Laurdag kveld tangerte ho den snart fem år gamle publikumsrekorden i Oseana, berre Vamp har samla like mange, 1150, i Oseanasalen.

– Vi har selt 1090 billettar, i tillegg har vi 60 med presse, mannskap og musikarar. Det er smikkfullt her, seier ein nøgd Oseana-direktør Ole Tobias Lindeberg.

Det er framleis to veker til debutalbumet kjem ut, men det har allereie skjedd mykje i Aurora si fantastiske verd, spesielt det siste året. Fleire turar til USA og England, prestisjetungt oppdrag med Oasis-låta «Half the World Away» for kjøpesenterkjeda John Lewis, Spellemannpris og nobelt oppdrag på fredspriskonserten.

Lattermildt og lydhøyrt publikum

Å vera yndig, klønete, elegant, autoritær og fengslande på same tid er ein kunst. Aurora er noko for seg sjølv. I kveld drog ho gjennom to låtar før ho byrja å snakka med sambygdingane sine, og då kom eit anna varemerke fram, den lett vimsete, sjarmerande og humoristiske dialogen med publikum.

– Eg veit at eg snakkar mykje. Eg hatar i grunnen å snakka mellom låtane, likevel snakkar eg heile tida. Av og til bestemmer eg meg på førehand kva eg skal seia, men då gløymer eg teksten, sa den elles så scenevante jenta.

Publikum var allereie sjarmert i senk og lo på dei rette plassane, var med på notane både i prat og i song, og utanom eitt og anna «bygdabrøl» blei det aldri for mykje.

Aurora var rimeleg presis på scenen klokka 22. Litt over 23 takka ho for seg, men let seg raskt trampeklappa inn igjen til to ekstranummer. På første nummer, ein hyllest til nyleg avdøydde David Bowie, blei det heilt stille i salen. Alle ville lytta til «Life on Mars».

– Aldri før har så mange feststemte osingar kollektivt klart å halda så godt kjeft, (Ephemera i Fjellheim friskt i minne), og aldri før har eg følt Os meir urbant. Det måtte sjølvsagt ein av våre eigne for å få det til, seier leiar i Os Rockeklubb og tilsett i kultureininga i Os kommune, trommis og musikkveteran Kjetil Osablod Grønvigh.

– Eg er stolt av Aurora, stolt av Oseana, og stolt av eit lydhøyrt publikum. Ingen mobilar som gjekk av, og knapt nokon som blokka synsfeltet med toskete forsøk på å foreviga konserten.

Debutalbumet skal ut om to veker. Måndag reiser Aurora til England, så blir det turar til USA, ho er knapt heimom innan slutten av april.

Ho avslutta gårsdagens sterke heimebanekonsert med andre ekstranummer, «ein ny låt som knapt kom med på plata, som handlar om kor godt det måtte vore om vi ikkje visste alt det gale som skjedde rundt om i verda», låten «Through the eyes of a child».

Midtsiden samleside: Aurora

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.