Lokal | 08. feb. 2021
Avlyser skriftleg eksamen for ungdomsskule og vidaregåande
– Muntleg eksamen er annleis, og vil bli gjennomført.
Kjetil Vasby Bruarøymåndag 08. feb. 2021 11:31
På ein pressekonferanse som starta klokka 11 i dag, opplyser kunnskaps- og integreringsminister Guri Melby at skriftleg eksamen i år blir avlyst for ungdomsskulane og vidaregåande skular i heile Noreg.
- Sjå pressekonferansen på regjeringen.no
Blant årsakene er at elevar i nokre område har hatt større grad av heimeundervising enn andre.
– Elevane kan likevel førebu seg på at muntleg eksamen blir gjennomført, seier Melby.
Departementet meiner muntleg eksamen i år er betre eigna som vurderingsgrunnlag.
Ei av årsakene er at oppgåvene til muntleg eksamen blir laga lokalt, mens oppgåvene til skriftleg eksamen er felles for heile landet.