Avslutta ungdomsskulen med å laga eit varig minne
To tiandeklassingar ved Os ungdomsskule avslutta i dag eit heilt spesielt oppdrag.
Lærar ved Os ungdomsskule, Tonje Thorsnes Nybrot, fortel at ideen først kom frå rektor Kåre Lutro, men at det er fungerande rektor Sturle Lekven som har skubba den i mål.
– Kåre visste at Mattis Olai Bettum Moe var god på teikning, og han utfordra difor Mattis til å laga noko som kunne pryda ein av veggane her på skulen.
Mattis tok utfordringa, og med god hjelp frå Ida Vaktskjold vart kunstverket ferdig i dag - det på siste skuledagen.
Ville ha ein brilleslange - fekk ein litt skummel slange
Nybrot fortel at bestillinga frå rektor var ein brilleslange, men kunstnaren på si side ville laga ein skummel slange.
- Dei møttest ein stad på midten, og no har Os ungdomskule altså sin eigen halvskumle brilleslange på veggen.
Kunstverket kan du sjå om du går på baksida av skulen, altså mellom ungdomsskulen og barneskulen.