Avsluttar arbeidet på Hatvikvegen i dag
Undersøkingar viste at sikringsarbeidet ikkje vart så omfattande som først frykta.
Fredag i 13-tida fekk Vegtrafikksentralen tips om eit lite steinbrot på Hatvikvegen, same stad som det gjekk eit steinbrot i oktober 2019.
Vegen blei stengt, men opna i eitt felt fredag ettermiddag, opplyste VTS i 15-tida.
Roger Lemme, byggherrevakt i Vestland fylkeskommune kunne òg fortelja at – ifølgje geolog var det nokre fleire lause fjellmassar på staden.
– Måndag vil vi gjera nye og meir grundige undersøkingar, sa Lemme.
Ferdig på staden i dag
I løpet av helga har det ikkje vore lysregulert på staden, men vegbana har vore innsnevra med skilting.
I dag kan trafikkoperatør ved Vegrafikksentralen vest, Kjetil Larsen, opplysa om at arbeidet med å sikra fjellsida snart er ferdig.
– Det viste seg å vera nok med litt enkel reinsing av fjellsida, så snart dei er ferdige med det, samt litt ryddearbeid, er vi ferdige på staden.
– Dette reknar vi med å bli ferdige med i løpet av dagen, og etter det skal det ikkje vera noko til hinder for trafikken å passera på staden, avsluttar Larsen.
