Lokal | 03. aug. 2009
Baklengs frå brua
Måndag kveld kom det endeleg sol og varme igjen, noko som fekk to gutar til å setja frå seg skateboarda og hoppa frå Osbrua.
Kjetil Vasby Bruarøymåndag 03. aug. 2009 22:17
Bildeserie:
1 av 4
Måndag ettermiddag forsvann dei fleste skyene over Os, og temperaturen auka. Medan andre kjøpte is eller slo plenen var Loke Flaterås (14) og Andreas Søfteland (13) på Os og sto på skateboard.
- Det blei så varmt at vi måtte ha oss eit bad, seier Andreas.
Bilistane som kjørte over Osbrua i 17-tida slakka av på farten då dei såg Andreas og Loke på rekkverket.
- Vi badar her av og til. Det er passe djupt, det er berre av og til at vi tar litt ned i botn, seier Loke.
- Men vi må passa på at det ikkje kjem båtar under brua, legg dei til.