midtsiden

Baronessen opna i dag

Med sjarmerande inngang frå nye Telthusplassen opna den nye butikken Baronessen i dag.

Av: Gjest

Torsdag 25. mars blei siste opningsdag for maBella, damemotebutikken i Telthuskvartalet. No har innehavarane Marit Næss og Astrid Breivik opna ny butikk, med tilsvarande utval, men i nytt lokale.

- Vi tok dette lokalet i bruk for salongen for nokre år sidan, men klarar oss fint utan, seier Astrid Breivik på vegne av den andre bedrifta hennar, Toppen Frisør.

Salongen blei redusert frå 17 til 9 arbeidsstasjonar for å gje rom for butikken Baronessen, som altså opna i dag. Butikken er oppkalla etter elva som renn forbi inntil husveggen, Baronselva.

- Vi held på dei same leverandørane som vi hadde med maBella, moteklede for kvinner i alle aldrar, men mest for dei over 35 år, seier Marit Næss.
 
Ho fortel vidare at alt ikkje kom heilt på plass før opninga i dag. Dei skal blant anna få ei ny glasdør omringa av vindauge i inngangspartiet mot den nye Telthusplassen og elva.

Tekst og foto: Solveig Hamre, på arbeidsveke hos Midtsiden.no

Fleire saker