Lokal | 13. okt. 2020

Mann skremde ungdom - hamna sjølv i bakken

Blei køyrd til Haukeland i ambulanse etter basketak på bussterminalen.

Mann skremde ungdom - hamna sjølv i bakken
Etter først å ha skremd ein ungdom, hamna ein vaksen mann i bakken og vidare på sjukehus i går kveld. (Ill.foto: KVB)
Kjetil Osablod Grønvigh
Kjetil Osablod Grønvightirsdag 13. okt. 2020 07:37

Politioverbetjent ved Os Lensmannskontor, Anne Lyssand, fortel at det i går kveld var ei hending i Os sentrum.

– Klokka 20.46 fekk vi melding om at ein vaksen mann, som framsto som rusa, hadde oppført seg slik at han skremde ein ungdom. Dette skal ha skjedd ved eller i Coop Extra-butikken i Os sentrum. Det var ungdomen sjølv som meldte i frå til oss.

Då patruljen kom fram til butikken, hadde mannen gått til bussterminalen.

– Her hamna mannen i krangel og klammeri med ein ungdom, kor det heile enda med at den vaksne mannen gjekk i bakken.

Mannen er i 30-åra, ungdomen i vgs-alder.

– Ambulanse vart rekvirert, og mannen vart teken med vidare til Haukeland universitetssjukehus og sjekk for mogleg brot i andletet.

Lyssand kan fortelja at det var fleire vitne til begge episodane av hendinga, og sak er oppretta.

Både mannen og tenåringen har status som mistenkt.

Førarkortlaus bilførar

Tidlegare på dagen, om lag klokka 14, vart ein bilførar stoppa av politiet nord for Os sentrum.

Lyssand fortel at det etterkvart kom fram at bilførar, ein mann i tidleg 40-åra, ikkje hadde gyldig førarkort.

Mannen innrømde forholdet, og det er oppretta sak.

Førebyggande spasertur og viltpåkøyrsle

Lyssand fortel at på grunnlag av meldingar om ansamlingar av ungdom, i- og rundt Os sentrum, valde politiet i går ettermiddag å gjennomføra ein førebyggande spasertur i sentrum. Her var det ikkje noko å melda.

Like over klokka halv åtte i dag tidleg fekk politiet melding om ei viltpåkøyrsle. Hjorten skal ha blitt påkøyrd i området Søre Neset i følgje Lyssand.

– Viltnemnda er varsla, men vi har ikkje informasjon om eventuelle skadar på køyretøy, avsluttar Lyssand.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.