Lokal | 12. nov. 2019
Båt ramla av hengar
Det blei dirigering på Lepsøyvegen i ettermiddag.
Kjetil Vasby Bruarøytysdag 12. nov. 2019 16:08
Bildeserie:
1 av 1
Tysdag rundt klokka 14.45 blei det bråstopp ved Hagavik Hjemmebakeri for ein bil med hengar.
– Båten ramla av hengaren, fortel ein tipsar til redaksjonen.
Ein medtrafikant tok ansvar og dirigerte trafikken.
– Det var litt kø, særleg frå Øyane retning Os, men det var til god hjelp med litt dirigering, og det kom folk med traktor for å hjelpa.
Ifølgje eit anna vitne var det båteigar sjølv som henta traktoren.
– Bilane rann forbi heile tida, det var berre éin som stoppa, gjekk ut og spurde om han skulle hjelpa. Det synest eg er dårleg.
Politiet var ikkje på staden. Det såg heller ikkje ut til at det var personskade i samband med uhellet.
Lepsøyvegen er no open for vanleg ferdsel.