To båtar funne etter stormen

Laurdag har Midtsiden fått melding frå to ulike lesarar som har funne båtar som ser ut til å ha kome vekk frå eigar.

– Den må ha kome seg laus i løpet av natta, for den var ikkje her i går, fortel finnar av ein Ôrnvik med påhengsmotor som låg i ei fjøre mellom Storum og Lepsøy laurdag morgon.

Finnar ville prøva å få den laus på full flo i 15-tida, for så å legga den ved ei brygge på Lepsøyvegen 189.

– Eg trur båten kan ha kome frå Strøno eller Hagavik.

OPPDATERT: Politiet etterlyste via Twitter ein tilsvarande båt klokka 12.20 i dag:

«Askvikneset, Hagavik, Os: 2006-mod. Skjærgårdsjeep, Ørnvik 55, 17 fot m/grå kalesje og 115 HK Mercury påhengsmotor. Stjålet i tidsrommet fra kl 2300, 8/12. Båten har reg.nr. FAP763. Evt tips og observasjoner - kontakt politiet på tlf. 02800.»

– Eg sendte melding til politiet før klokka 14 i dag, men har førebels ikkje høyrd frå dei.

– Då vi tok båten ut av fjøra i dag så la vi merke til at det låg mykje verktøy slengt i båten. Vi prøvde å tilta opp motoren, men batteriet var flatt, fortel finnar.

Fann kajakk i Hauglandssjøen

I ettermiddag var ein kajakk på rek i Hauglandssjøen.

Finnar har tatt den opp på flytebrygga til familien.

Han kan kontaktast på 92843622.