Bensinkrig?

Denne veka opna UnoX oppatt i Tøsdalsskiftet etter å ha rusta opp stasjonen til å bli Noregs største med åtte pumper. For å feire opninga lokkar dei med billeg drivstoff torsdag og fredag noko som gav lange køar torsdag.

Til å ta unna køane stilte kjeda mannsterke opp for å hjelpa kundane og gje dei litt ekstra i form av pastiller og gratis vindaugspylevæske.

Hang seg på

Kampanja kjem osingane til gode, for dei andre stasjonane i bygda vil ikkje vera dårlegare.

I morgontimane fredag er prisen nede i 13,09 for bensin og 12,09 for diesel på stasjonane i sentrum.

Så då gjenstår det berre å sjå kor lenge prisane held seg så låge.

Normalpris i Bergen torsdag var rundt 15,20 for 95 blyfri og 14,40 for diesel.