Bente; Slik du aldri har opplevd ho før

Bildeserie:

1 av 1

Midtsiden var så heldige å få vera til stades då skodespelarar og dansarar øvde saman for første gang til forestillinga «Her er eg no!» basert på Bente Bratlund sitt mangfoldige forfattarskap.

– Det er ikkje mange som kan skryte av ein så stor litterær produksjon som Bente. I 2017 er det 40 år sidan ho debuterte som forfattar, og det er det grunn til å markere, seier Frøydis Flotve som i fjor starta sitt eige føretak Teaterfrø og som tok initiativet til forestillinga.

– Eg fekk ein sekk full av bøker og kunne plukka det eg ville. Romanane var det litt vanskeleg å trekke tekst ut av, men i dikta og bloggen til Bente fann eg meir enn eg kunne drøymd om. Det har resultert i ei framsyning kor vi har fått plass til 64 dikt og nokre mellomtekstar.

– Framsyninga blir omlag ein time og eit kvarter, med noko dialog, noko sang og nokre dikt, som mellom anna Bente framførar sjølv. Eg har freista å få til eit representativt utval som representerer ulike tider og ulike tema i Bente si dikting.

– Bente sine dikt snakkar til folk uansett kor i livet ein er. Difor har vi med dei tre skodespelarane Yvonne Algrøy, Anne Wiig og Natasja Smørholm som representerer ulik alder og dei ulike fasene i dikta, forklarer Flotve.

– Heilt fantastisk

Flotve har fått frie tøyler frå Brattlund, som berre har blitt konsultert på om det var nokre dikt som måtte med.

– Det har blitt heilt fantastisk. Eg blir nesten litt høg, når eg no får sjå korleis Frøydis har satt ting saman.

– Tekstene har blitt nye for meg også. Det er utruleg gøy. Du veit eg er den siste til å læra meg dei utan att. Dei andre er mykje flinkare enn meg til det, smiler Bente Bratlund når Midtsiden snakkar med ho i ei pause i øvinga.

Tolv på scenen samstundes

Det er ein stor produksjon Flotve har tatt på seg, som første produksjon etter at ho starta for seg sjølv.

– Med skodespelarane, dansarane Trym Jensen, Anne-Lill Lyssand, Merete Orrebakken og Regine Drange Eriksen frå Os Swingklubb og dei fire i bandet, blir det heile tolv personar på scenen på det meste.

– Tarjei Vatne har komponert musikk til ti av dikta. Han har klart å fange opp stemninga i dikta og løfta dei opp til nye høgder. Her blir det mykje å glede seg til, forsikrar Flotve.

I bandet får Vatne med seg Leslie Egerer på fiolin, Ole Amund Gjersvik på bass og Marius Mathisen på trommer.

– Det er som er litt artig er at eg har jobba med alle, unntatt Tarjei, på ulike prosjekt tidlegare. Eg blir framleis konfrontert med tangoframsyninga eg hadde saman med Ole Amund for femte når sidan, supplerar Bente Brattlund.

Berre måtte gjera det

Flotve legg ikkje skjul på at det er ein risiko med å ta på seg ein slik produksjon.

– Det er klart det er ein økonomisk risiko me då gjera det, men eg visste at dette ville eg gjera uansett. Det fortener Bente. No har vi seld 320 billettar så langt, dei fleste til folk frå andre stader enn Os, så om osingane vil få med seg denne «Once in a lifetime»-opplevinga, så er det berre å vera om seg, avsluttar Flotve.

Framsyninga går i Oseana fredag om ei lita veke.