Ber ungar slutta å klatra på taket

Politiet fekk i går melding om ungar eller ungdom som klatra på taket på gymsalen til Os barneskule.

– Vi møtte ingen av dei i går, men dette er noko vi har hatt problem med tidlegare år òg, seier lensmann Oddbjørn Dyrdal.

– Eg håper det blir slutt på denne klatringa. Ungane risikerer å skada seg, og og dei risikerer at taket blir skadd. Det er ikkje meint for aktivitet eller opphald.

Politiet var i går på patrulje for å sjå etter større samlingar av ungdom, som har vore meldt om frå både naboar til bryggene i Os hamn og naboar til volleyballbanen på Lunde barneskule.

Det såg bra ut i går, og politiet fortel om positiv dialog med dei dei møtte. Det var òg noko kaldare enn kveldane før, men vi kan jo håpa at fokus i media har hatt litt effekt.

• Midtsiden har starta utsending av gratis nyheitsbrev på epost - meld deg på her