Bergensar tatt med promille i Os - osing tatt i 127 km/t i Bergen

To unge menn fekk trøbbel i trafikken. No er begge dømt.

Bergen tinghus. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 08. nov. 2019 10:07

To menn på rundt 20 år er nyleg dømt i Nordhordland tingrett for ulike lovbrot i trafikken.

Han eine er frå Bergen, og blei tatt med promille på Byvegen i 16-tida ein søndag i august.

Blodprøve viste 0,79 i promille. Vedkomande blei tidlegare i sommar tatt med 3 gram marihuana, og for bruk av narkotika.

Han blei dømt til fengsel i 18 dagar, på vilkår, med to år prøvetid. Han blei òg dømt til tap av førarretten i 18 månadar og til å betala 15.000 kroner i bot.

Domfelte tok betenkningstid.

Køyrde for fort i Bergen

Ein ung mann på same alder, frå Os, blei klokka 21.45 ein torsdagskveld i september målt i ein snittfart på 127 km/t på Fritz C. Riebersveg.

Fartsgrensa i området er 80 km/t.

Han blei dømt til fengsel i 18 dagar, på vilkår, med prøvetid på to år.

Han fekk ei bot på 12.500 kroner og tap av førarretten i 6 månadar. Han vedtok dommen.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.