Biblioteket blir meir dynamisk

Bildeserie:

1 av 3

I januar 2014 kunne Os folkebibliotek ønskja velkomen til utvida og oppgradert lokale i Os Næringspark, der dei auka boltreplassen frå 700 til over 1000 kvadratmeter.

I dag lanserer biblioteket nye heimesider.

– Vi hadde ei innhaldsrik og ryddig nettside frå før, men denne har meir moderne utforming og fleire integrerte funksjonar, fortel biblioteksjef Elisabeth Bochon Tøsdal.

– På den nye sida er det dessutan enklare for oss å legga ut korte nyhendesaker, å halda sida dynamisk og levande.

Topp 10 og siste nytt

Os folkebibliotek er blant biblioteka i Hordaland som låner ut flest titlar. Dei er spesielt store på utlån av e-bøker.

– Via nettkatalogen kan du enkelt søka i utvalet vårt, finna lister over siste nytt og sjå topplister over populære titlar innan bøker for vaksne, bøker for born, filmar og lydbøker.

Tøsdal seier ho er svært nøgd med både prosessen og resultatet.

På kakefesten under lanseringa i dag takka ho både eigne kollegaer, rosemalar Torunn Rød Farsund, fotografane Øyvind Gjerde og Simen Soltvedt og Hordaland fylkesbibliotek, som har for utforming og finansiering.