Bil på tvers og bil i lyktestolpe
Trøbbel på både E39 og Hatvikvegen.
Julaftan klokka 14.01 opplyser Vegtrafikksentralen at ein bil har sklidd av Hatvikvegen og inn i ein lyktestolpe.
Bilførar, ein mann i 60-åra, er uskadd. BKK og bilbergar er på staden.
– Som følgje av dette er straumen gått i området, skriv Vest politidistrikt på X.
Ifølgje BKK sitt kart over straumbrot er det i skrivande stund, klokka 15.28, ingen utan straum i Bjørnafjorden kommune.
- Har du informasjon eller bilde? tips@midtsiden.no
Klokka 15.19, opplyser politiet om stengt i Lyshorntunnelen grunna uhell i Endelausmarka.
OPPDATERT: Vegen opna igjen klokka 15.20.
– Ein bil har snurra rundt og hamna på tvers inn i autovernet i 100-sona.
– Det er materielle skadar i begge endar av bilen, men ikkje meldt om alvorleg personskade. Bilbergar er på staden.
Det kom mykje snø i Os i går, og i dag har det kome sludd og regn på nedkjølt veg. Det har gjort køyreforholda noko vanskelege fleire stadar.
