Lokal | 26. des. 2012
To bilar skadd i garasjebrann
Huseigar gjorde ein enorm innsats då han oppdaga at garasjen sto i brann.
Kjetil Vasby Bruarøyonsdag 26. des. 2012 15:47
Onsdag i 15-tida kom melding om brann i ein garasje i Storhaugen bak Kiwi på Moberg.
– Huseigar hadde gjort ein kjempeinnsats med både pulverapparat og hageslange før vi kom, seier Erik Walden frå Os brannvesen.
Han oppdaga brannen då sikringa til garasjen blei slått ut.
Då brannvesenet kom fram var det framleis både varme- og røykutviklng frå den cirka 70 kvadratmeter store garasjen.
– Sløkkinga gjekk greit og ingen blei alvorleg skadd, men det sto to bilar i garasjen då det byrja å brenna.
Huseigar var til legevakt for sjekk, då han hadde fått i seg litt røyk.
Bilane blei skadd. Ein av dei skal blant anna ha fått eine lykta smelta.