Bilen ville om bord mens lemmen blei løfta

Torsdag i 14-tida rykte politiet ut til Halhjem ferjekai etter melding om trafikkuhell.

Bilførar, ein mann i 30-åra, kom frå det utan alvorleg skade. Bilen blei henta med bergingsbil.

– Det er ikkje mistanke om promille, og det er noko uklart kven som har skuld, seier politioverbetjent Atle Birkeland.

Det som er klart er at bilen prøvde å nå ferja, men då den skulle køyra om bord var lemmen oppe eller i ferd med å løftast.

– Vi har oppretta sak og skal ha fleire avhøyr. Vi vil òg undersøka det tekniske og rutinar på kaien, for dette kunne gått skikkeleg gale, seier Birkeland.