Billigare ferjebillettar frå i dag

Fylkesutvalet har følgd opp Stortinget si løyving.

Halhjem ferjekai. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 01. juli 2021 12:14

I dag er det blitt billegare å reise med ferje i Vestland fylke.

Fylkesutvalet har følgd opp Stortinget sin løyving til reduserte ferjeprisar i revidert nasjonalbudsjett.

Dermed går ferjeprisen ned med 25 prosent for fylkesvegferjene.

– I tillegg er det vedtatt at ordninga med ei ekstra takstsone ikkje blir vidareført, noko som gjer at prisen går ytterlegare ned, seier Skyss i ei pressemelding i dag.

Nokre lokale eksempel (bil under 6 meter utan AutoPass):

  • Hatvik-Venjaneset ned frå 133 til 92 kroner
  • Halhjem - Våge ned frå 230 til 164 kroner

Reduksjonen på 25 prosent gjelder også Halhjem-Sandvikvåg (som går på E39).

Med sonereguleringa er prisane for fylkesvegferjene igjen harmonisert med Statens vegvesen sine regulativ for ferjetakstar.

Frå i dag går også beløpsgrensa for forskotsbetaling ned frå 3 700 kr til 3 000 kr (takstgruppe 1).

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.