Bistandsadvokaten: Krev 200.000
Drapssaka, dag 6: Bistandsadvokat Beate Hamre ber om 200.000 kroner i oppreising til Hilda Feste si dotter, pluss dekking av utgifter til gravferd og behandling.
Bistandsadvokat Beate Hamre krev på vegne av dottera til den drepte Hilda Feste ei oppreisingserstatning i tråd med skadeerstatningslova avgrensa opp til 200.000 kroner.
I tillegg krev ho dekka gravferdsutgifter, behandlings- og reiseutgifter, som er venta å koma opp i nærmare 133.000 kroner.
Hamre viste til rettspraksis i høve oppreisingserstatninga.
- Hilda Feste var ei elska mor, svigermor, bestemor, oldemor og tante som blei riven bort på ein grufull måte.
- Dottera si forklaring i retten var gripande og gjorde eit sterkt inntrykk på alle, oppsummerte bistandsadvokaten.
Advokaten gjorde greie for dei ettervirkningane dottera og familien har hatt etter hendingane 1. nyttårsdag.