Bjørnafjorden har fått ny brannsjef

Espen Storum (35) er tilsett som brannsjef i Bjørnafjorden kommune, opplyser kommunen i ei pressemelding i dag.

Storum er i dag leiar for førebyggande avdeling i Bjørnafjorden brann og redning, og startar i jobben som brannsjef umiddelbart.

Han tar over etter Eivind Hovden, som sa opp stillinga tidlegare i haust. Erik Walden held fram som varabrannsjef.

Les ògBrannsjef Hovden har sagt seg opp

Storum er utdanna branningeniør og har i tillegg ein mastergrad i organisasjon og leiing.

– Eg er svært glad for at Bjørnafjorden kommune allereie har slike talent i organisasjonen, seier kommunalsjef for samfunn, næring og miljø i Bjørnafjorden kommune, Runar Lunde.

– Espen gjorde eit solid inntrykk gjennom rekrutteringsprosessen, og har vist at han har gode og framtidsretta visjonar for Bjørnafjorden brann og redning,

Dei tilsette i Bjørnafjorden brann og redning blei informerte om tilsettinga på eit allmøte i dag, onsdag.