Meining | 17. feb. 2023

Bjørnafjorden kommune er usedvanleg godt driven

Debatt: No er det alvor og nye tider - og vi må tenkja opp att på valløfte og kva vi meinte i 2019.

Bjørnafjorden kommune er usedvanleg godt driven
Moberg Johnsen, her under bilutstilling på Osøyro i 2014, minner innbyggarane på å vera takksame for god drift. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 17. feb. 2023 11:35

Langt på kveld etter eit langt kommunestyremøte, der «oss ubrukelege og inkompetente» sit ein gong i månaden og skal «bestemma». Godt betalt er det og …

For ikkje å snakka om alt det gode «dei som ikkje sit der, og har endå betre peiling» omtalar deg som. Alle dei som vil ha men ikkje vil betala …

«Kvifor skal dei leggja ned skular?»

«Skam mot politikarane som ikkje tenkjer på dei eldre!»

«Idiotar!!»

«Ta heller å kutt til dei i administrasjonen..!»

«Eigedomsskatt!?, no må dei f… meg skjerpa seg..!!»

Slike omlydar er daglegdagse for dei som forsøker å legga kabalen i vårt samfunn.

Ikkje meg, for eg vert kun kalla inn når andre ikkje kan (vara), men alle dei andre anten dei er høgre, venstre eller «sentrumsvridde».

Fytti grisen for eit arbeid dei gjer!

I dag fekk me siste to delane frå PWC sin rapport ,og det var ikkje lysteleg, for å seia det mildt.

Men PWC sa noko som ingen i media har omtala (som eg har sett):

Bjørnafjorden kommune er usedvanleg godt driven både politisk og administrativt!

Altså så er det ikkje mangel på kompetanse eller vilje, men økonomi.

Når eg les kommentarfelta så er det lett for å bli provosert av ignorante kommentarar, men til dei vil eg seia; sjølv om det politisk kan vera stor skilnad på politikken så er alle i styringa opptekne av å vera venlege med kvarandre og visa kvarandre respekt.

Vi er heldige som bur i eit av verdas beste og tryggaste land i ein av dei vakraste plassane i Noreg.

Men no må vi alle skjøna at nett no må vi gløyma fortida og tenkja opp att på både valløfte og kva vi meinte i 2019.

Det er alvor og det er nye tider.

Alt godt elles.

Geir-Magne Jonsen Moberg (Ap)
5. vara til kommunestyret

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.