Bjørnafjordkonferansen er i gang

Bjørnafjord-ordførar Trine Lindborg stod for opninga - Kari Traa snakka om livet og korleis ho starta opp si eiga bedrift.

Vossingane Kari Traa og Arne Hjeltnes i full vigør på Bjørnafjordkonferansen i dag. (Foto: Kjetil Osablod Grønvigh) 
Kjetil Osablod Grønvigh
Kjetil Osablod Grønvightirsdag 05. nov. 2019 11:23

Bildeserie:

Kari Traa fortalde om opp- og nedturar i livet - det heile ispedd humor og sjølvironi. (Foto: KOG)
270 deltakarar klare for konferanse i Oseana. (Foto: KOG)
Ole Reinert Berg-Olsen opna konferansen med to låtar. (Foto: KOG)
Arne Hjeltnes helste velkomen. (Foto: KOG)
Bjørnafjorden-ordførar Trine Lindborg (Ap) stod for opninga. (Foto: KOG)
Latteren sat laust mellom Hjeltnes og Traa. (Foto: KOG)
Kari Traa fortalde om opp- og nedturar i livet - det heile ispedd humor og sjølvironi. (Foto: KOG)
270 deltakarar klare for konferanse i Oseana. (Foto: KOG)
1 av 6
270 deltakarar klare for konferanse i Oseana. (Foto: KOG)
Ole Reinert Berg-Olsen opna konferansen med to låtar.  (Foto: KOG)
Arne Hjeltnes helste velkomen.  (Foto: KOG)
Bjørnafjorden-ordførar Trine Lindborg (Ap) stod for opninga.  (Foto: KOG)
Latteren sat laust mellom Hjeltnes og Traa.  (Foto: KOG)
Kari Traa fortalde om opp- og nedturar i livet - det heile ispedd humor og sjølvironi.  (Foto: KOG)

For ei veke sidan kunne arrangørane fortelja at dei hadde seld nærare 240 billattar, men at dei håpte på å sjå 300 deltakarar på konferansen.

Næringslivskonsulent i Os kommune, Jon Sivert Rykkel, fortalde då at konferansen truleg er den største av sitt slag i Bjørnafjord-regionen nokosinne.

– Hovudmålet med konferansen er auka samarbeid mellom næringslivet i regionen. Regionen vår er i stor endring, og endring påverkar næringslivet. Med Bjørnafjordkonferansen ønskjer vi å bringa næringslivet tettare saman og skapa nye møteplassar som kan vera med å forma vekst og utvikling i regionen.

I dag kan Marte Kristensen frå Fjordfolk AS opplysa at det no sit 270 delegatar i salen.

Samanlikna gründerverksemd med politikk

Konferansen starta friskt med to låtar frå Ole Reinert Berg-Olsen, òg kjend som ORBO.

Etter ei kort innleiing frå dagens konferansier, Arne Hjeltnes, var det Bjørnafjorden kommune sin ordførar, Trine Lindborg, som fekk æra av å opna konferansen.

Lindborg ønskte velkomen til det som er verdas første Bjørnfjord-konferanse, og ho trakk liner mellom hennar politiske prosjekt og det å vera ein gründar.

– Vi ønskte å selja inn ein ny politisk veg, og no har vi fått fire år på bevisa at denne ideen er god. Slik er det ofte for ein gründar òg - du har ein god idé, og denne har du jo sjølvsagt lyst å prøva ut.

Lindborg sa vidare at ho tykte at temaet på årets konferanse var slåande bra.

– «Saman for vekst» er slåande likt det vi ønskjer å skapa og få til i den kommunen vi no snart skal jobba og bu i.

Livets tråd med Traa

Dagens første føredragshaldar var Kari Traa - kulekøyrardronninga frå Voss som gjekk vidare til å skapa sitt eige klesmerke, tufta på Voss og tradisjonar frå Voss.

Ei dørgande ærleg, vittig, og sjølvutleverande Traa tok publikum gjennom ei reise frå det å vera jente som var tidleg god på ski, til å no leia ei bedrift som i desse dagar omset for over 500 millionar kroner.

– Eg har aldri hatt store draumar, men eg har alltid vore oppteken av å gjera dei tinga eg er glad i.

Traa tok òg publikum med på opplevinga av å enda opp i alle landets aviser med minimalt med klede på, ei kort tid før eit OL kor alle forventa at ho skulle humpa inn gullet i kulekøyring.

– Tenk korleis den pressekonferansen hadde blitt om eg vart nummer to eller tre, eller endå verre hamna utanfor pallen - alle ville jo sagt at den foto-shooten øydela oppkøyringa til OL!

Bjørnafjordkonferansen held fram med føredag frå Jannicke Hilland - osing og konsernsjef i BKK, Nina Broch Mathisen - direktør i Innovasjon Norge, Mons Ivar Mjelde og Ingebrigt Steen Jensen.

Det vert òg sofaprat med lokale næringslivsleiarar, utdeling av Fjordfondet og deltakarane vil få eit innblikk i status for Lyseparken.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.