Lokal | 09. juli 2012

Blant dei beste å leve i

Os er blant dei ti beste kommunane å bu og leve i i Noreg ifølgje ei ny landsomfattande undersøking.

Blant dei beste å leve i
Ordførar Terje Søviknes (Frp) kan jubla over å leiia ei av dei ti beste kommunene å bu i. Her saman med elevar frå ungdomsskulen då Oseana skulle opne i fjor sommar (Foto: Andris Hamre)
Andris Hamremåndag 09. juli 2012 12:56

Analysebyrået Sentio som gjennomfører ei rekkje brukarundersøkingar innan forskjellege områder slepte nettopp resultata frå den årlege Borgarundersøkinga kor dei spør eit representativt utval i heile landet om kor nøgd dei er med den kommunen dei bur i.

For første gong figurerar no Os kommune på topp 10 lista.

- Det var artig lesing det her, smilar ordførar Terje Søviknes.

81 poeng av 100 moglege

Undersøkinga er gjort via telefon til eit representativt utval over heile landet. Rapporten som no har komen er ein smakebit frå undersøkinga kor spørsmålet "Kor nøgd totalt sett er du med din kommune som ein plass å leva og bu i?".

Svara er gjeven på ein skala frå 1 (svært misnøgd) til 5 (svært nøgd) og rekna om til ein skår kor 100 er maks.

- Vi skårar 81, noko som er fem poeng over snittet for Hordaland og landet forøvrig, fortel Søviknes.

Vekstkommunar på topp

Ullensaker, som er kommuna kor Gardermoen ligg, og som Os er ei vekst kommune er vinnaren i undersøkinga med heile 86 poeng.

- Ullensaker kjenner eg ganske godt sidan FrP har ordføraren der óg.

- Dei er tilliks med oss ei vekstkommune i nærleiken av ein storby kor det blir gjort mykje godt for innbyggjerane.

KOSTRA-undersøkinga viktigare

Av kommunar på Vestlandet er det berre Time (Rogaland) og Fjell (Hordaland) i tillegg til Os som når opp i det eksklusive selskapet.

- Eg er litt overraska at ikkje kommunar som Askøy, Sola og Sandnes óg er på lista, men den syner jo berre dei 10 øvste og dei kan vera like bak, seier Søviknes.

- Kva betyr ei slik kåring for kommunen?

- Det er sjølvsagt kjekt, men vi nytter oss elles av Kommunal Rapport si undersøking kor dei dukkar litt djupare ned i den kommunale tenesteproduksjonen ved hjelp av KOSTRA-tala. Eg trur kanskje den undersøkinga gjer meir matnyttige resultat enn denne for oss i det daglege.

- Men, det er jo naturleg for oss å no setta eit mål om å skåra så høgt også i åra som kjem at vi blir liggande blant dei ti beste også i denne undersøkinga, avsluttar ordførar Terje Søviknes.

Dei ti på topp:

Ullensaker - 88
Asker - 87
Bærum - 85
Rælingen - 85
Time - 84
Lier - 84
Fjell - 83
Lørenskog - 83
Drammen - 83
Os - 81

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.