Blei ransaka etter raseriutbrot på lensmannskontoret

Ein mann som møtte opp på Bjørnafjorden lensmannskontor torsdag, sa han ville henta noko politiet hadde tatt beslag i.

– Vi hadde ikkje det han trudde vi hadde, noko som resulterte i at han blei svært sint, fortel politioverbetjent Anne Lyssand.

Politiet måtte etterkvart ta hand om mannen. Han blei ransaka, og dei fann både narkotika og ein kniv i lommene hans.

Dei tok beslag i begge delar. Mannen, som er rundt 40 år, blei dimittert etter avhøyr.

Seint torsdag kveld fekk politiet fleire meldingar om ein mann som såg ut som om han trengte hjelp.

Mannen sat i eit busskur ved Amfisenteret.

– Han var blei sjekka og køyrd heim klokka 00.16, fortel politiet.