Blei svindla per sms

For nokre veker sidan fekk Bjørn Orrebakken ei tekstmelding lik den i bildet over.

– Eg skjønte ikkje mykje av den, så eg sletta den berre. Men så fekk eg fleire meldingar, seinast i førre veke, og då kontakta eg operatøren, fortel Orrebakken.

Svindla for 400 kroner

Selskapet stadfesta at abonnementet hans hadde blitt belasta med 400 kroner av denne avsendaren.

– Eg har verken bestilt eller mottatt nokre varer eller program, dette er rein svindel! seier Bjørn.

Mobiloperatøren har tatt dialogen vidare med dei som leiger vekk nummeren svindel-sms-en kom ifrå og Orrebakken reknar ikkje med å måtta betala noko.

– Ta tak i det med éin gong

– Rekninga har eg ikkje fått enno, dette bør selskapet ordna opp i før den tid.

– Men eg vil åtvara andre mot å forholda seg passiv til ting dei ikkje veit kva er, ta tak i det med éin gong!