Skøyter | 16. okt. 2015

Bli med til Stavanger!

Vi skal heia Sverre fram til siger i Stavanger i januar! Bli med på fellestur med Brynjar, Midtsiden og Os Reisebyrå.

Bli med til Stavanger!
Brynjar Øvstedal har allereie sikra seg plass på Midtsiden sin tur til verdscupen i Stavanger. No kan du òg sikra deg billett, hotellovernatting og transport (foto: AH/KVB)
Andris Hamrefredag 16. okt. 2015 11:18

Saman med Os Reisebyrå set Midtsiden opp tur med buss, hotellovernatting og billettar til verdscupstevnet i Stavanger 29. - 31. januar.

– Eg er med eg! var den umiddelbare responsen vi fekk frå Brynjar Øvstedal då vi lurte på om han ville vera med som sjefssupportar på tribunen i Sørmarka Arena når Sverre Lunde Pedersen for første gong i historia går verdscup på Vestlandet.

Brynjar er ein av fleire osingar som har reist for å sjå Sverre i aksjon. Sjå videointervju med Brynjar før han reiste til Heerenveen førre sesong.

Lover folkefest

Det norske verdscupløpet har tidlegare vore arrangert i Vikingskipet på Hamar. Det er første gong det blir arrangert i Stavanger.

– Dette kjem til å bli ein kjempefest. Ein tre dagars folkefest i Stavanger, som blir vanvittig moro å være med på med massevis av gode norske løparar, lover Halvor Lauvstad, generalsekretær i Noregs Skøyteforbund.

– Denne folkefesten vil vi at osingane skal få vera med på. Vi har jo tidlegare fått oppleva gjennom ulike artiklar kor kjekt Brynjar og andre som har vore på tur har hatt det. No håpar vi at det er fleire osingar som har lyst til å vera med oss og oppleva Sverre på nært hold.

– Vi skal sørgja for at han får kjenna at han har bygda i ryggen i Stavanger, seier Midtsiden-redaktør Kjetil Vasby Bruarøy.

Buss, hotell og billettar inkludert

Turen går med buss frå Os fredag formiddag 29. januar 2016 og returnerar frå Stavanger søndag 31. januar etter at løpa er ferdige i Sørmarka Arena.

For kun 2715 kroner får du buss tur/retur, to netter i dobbeltrom på hotell Scandic Stavanger Park, transport frå hotellet til arenaen og billettar til alle dei tre dagane. Frukost på hotellet er inkludert i prisen. Andre måltid kjem i tillegg.

– Vi har reservert 40 sitteplassar i svingen og reknar med god stemning i Os-leiren når Sverre går for nye gull.

– Frist for å melda seg på er 10. november. Det er bindande påmelding. Eit depositum på 400 kroner må betalast når ein melder seg på. Resten skal betalast innan 21. desember, forklarer Britt Halhjem på Os reisebyrå.

For at turen skal bli gjennomført med eigen buss tur/retur Os – Stavanger må det minst vera 25 påmeldte. Påmelding gjer ein direkte til Os reisebyrå på 56 30 43 00 eller ved å stikka innom.

Første gang i Stavanger

Verdscupen i Stavanger er historisk då det er første gong i nyare tid at verdseliten kjem til Vestlandet for å kappast.

Programmet for dei tre dagane ser slik ut:

Fredag
500 (1) meter damer, 500 (1) meter herrer, 1000 (1) meter damer, 1500 meter menn

Laurdag
500 (2) meter damer, 1000 meter herrer, 1500 meter damer, 5000 meter herrer

Søndag
500 (2) meter herrer, 1000 (2) meter damer, 1000 (2) meter herrer, 3000 meter damer

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.