Sport | 24. okt. 2016

Blir å rekna med i 2. divisjon

Volleyballdamene til Søre Neset beit godt frå seg i 2. divisjonsdebuten mot topplaget Viking 2.

Blir å rekna med i 2. divisjon
Spelande trenar Ingrid Tombre, i kvitt, meiner kampen viste at Søre Neset kan bita godt frå seg mot dei antatt beste laga i 2. divisjon (arkivfoto: Andris Hamre)
Andris Hamremandag 24. okt. 2016 08:36

Laurdag debuterte Volleyballdamene til Søre Neset i 2. divisjon etter det suverene opprykket frå 3. divisjon førre sesong.

Debuten gjekk borte mot Viking 2, tidlegare Nyborg, som i fjor kom på 2. plass i 2. divisjon.

– Vi startar veldig bra i første settet og bit godt frå oss. Vi leder gjennom store delar av settet og vinn det til slutt 25-21, fortel spelande trenar Ingrid Tombre.

Fekk det tøft

Også det andre settet startar Søre Neset bra, men etterkvart blir det for mykje feil i mottak og angrep slik at vertane snur det til 23-25.

– Det tredje settet startar dårleg og vi må berre innsjå at Viking 2 er eit betre lag enn oss. Dei vinn settet 25-17.

Også det fjerde, som blir det siste, settet blir for svakt av Søre Neset og Viking vinn også det med sifra 25-17.

– Eg meiner at vi etter denne kampen viser at vi kan bite frå oss mot dei antatt beste laga i 2. divisjon, fortel ei optimistisk Ingrid Tombre.

Viking 2 - Søre Neset 3-1 (21-25, 25-23, 25-17, 25-17)
Søre Neset stilte med følgjande lag: Anne-Irene Sveen Jensen, Birte Herland Vevatne, Carolin Knocke, Vibeke Ingebrigtsen, Rebekka Bjørnarøy, Marianne Borgen, Patrycja Plata, Amanda Bøe, Ingrid Tombre

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.