Bøe og Lepsøy sin nye boltreplass
Lageret, som dotterselskapet Vestafjell skal leiga delar av, har reist seg på kort tid.
Bildeserie:
Ting skjedde fort då vegvesenet ville kjøpa lageret som Vestafjell brukte i Kolskogen.
– Dei hadde det travelt med å få senda informasjon om dette ut til entreprenørane, så vi måtte ut til byggestart 1. oktober, fortel Morten Arvid Hansen.
Han er direktør i både AS Bøe & Lepsøy og Vestafjell AS. Vestafjell, som har hovudkontor på Midtun, brukte lageret til modulproduksjon og som lager og verkstad for utstyr til byggeplassane i og rundt Os.
Fekk tak i byggeklart prosjekt
– Vi hadde i utgangspunktet ein idé om å bygga lager og kontor ved knuseverket, men det kunne bli ein meir langdryg søknadsprosess, blant anna fordi Forsvaret er nabo.
– Då passa det veldig bra at det allereie var byggeklar tomt og byggemeldte og godkjente teikningar her i Hegglandsdalen.
Bøe & Lepsøy kjøpte tomt og prosjekt, men har ikkje sett Vestafjell til å bygga hallen.
Tomteseljar, Venture Industry Properties AS, (med folk frå Fourphase og Vest Mekaniske i same industriområde som største eigarar), hadde allereie henta inn prisar, og B & L brukte dei same tilbydarane.
Dette er nærmaste nabo, Johs Sælen og Sønn AS. Grunnmuren blei støypt i sommar og hallen har reist seg og blir ferdig før jul.
Same areal - større produksjonskapasitet
Hallen er 54 meter lang og 18 meter brei (grunnflate på 972 kvm).
– I Kolskogen hadde vi 700 kvadratmeter pluss 200 kvm ope under tak. Vestafjell skal berre brukaførsteetasje, så vi får ganske lik boltreplass som før.
– No har sjølve hallen endå større takhøgde enn vi treng, men vi får uansett større plass til modulbygging. Vi har blant anna bygd alle altanane i felt B6 i Hjellemarka under tak, for så å løfta dei på plass med kran.
Bøe & Lepsøy Utbygging har i skrivande stund over 100 husvære under bygging.
640 ledige kvadratmeter
Ein tredel av bygget er skilt i tre etasjar, kvar på 18 x 18 meter (utvendig).
– Andre- og tredjeetasje blir ledig for utleige. I førsteetasje skal vi ha kontor, kantine, garderobe, lager for ting som kan trillast og ein liten verkstad for enkle reparasjonar og vedlikehald av verktøy og utstyr.
Det var i utgangspunktet teikna eit trappehus med heissjakt på innsida av bygget, men denne kjem i etterkant, på utsida.
Vestafjell har ordna seg med midlertidig lagring mens dei ventar på at det nye lageret skal stå klart.
– Mykje av utstyret er ute på byggeplassane, det er veldig høg aktivitet for tida og vi får det også travelt gjennom vinteren. Men det skal bli godt å kunna ta i bruk ei god produksjonslinje for modular, seier Morten A. Hansen.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.