Bokbad med Eivind Trædal på Os folkebibliotek i går. (Foto: MDG Bjørnafjorden)

Bokbada i oljeproblematikken

Det var godt oppmøte og god stemning då Eivind Trædal og Renate Nedregård bokbada med «Det svarte skiftet» på Os folkebibliotek tysdag kveld.

Av: Kjetil Vasby Bruarøy

Tekst: Geir Fossåskaret, styret i MDG Bjørnafjorden

Han hadde sett av heile dagen i Os, Eivind Trædal – samfunnsdebattant og bystyrerepresentant for Miljøpartiet De Grønne i Oslo. Med på bussen frå Bergen (Eivind Trædal kom sjølvsagt med nattoget frå Oslo), var Ingeborg Revheim og Josefine Gjerde frå Grøn Ungdom.

Trioen stod på stand på Os gymnas saman med Stein Ødemark og Gunnar Kvåle, som representerer både MDG Bjørnafjorden og Besteforeldrenes klimaaksjon. Eivind Trædal hadde også eit opplegg for ein av skuleklassane på gymnaset.   

Utsleppa våre aukar

Godt over tjue osingar hadde møtt opp på kvelden då Eivind Trædal presenterte boka si «Det Svarte Skiftet» på Os folkebibliotek.

Boka, som Trædal kallar partipolitisk uavhengig, er ei oppsummering av tretti år med norsk klimapolitikk, frå Brundtlandrapporten vart lagt fram for FN i 1987, og fram til i dag.

I boka dokumenterer Trædal at medan grannelanda våre reduserer sine utslepp av klimagassar, har våre utslepp auka.

Kritikarrost bok

Norsk klimapolitikk er i dag basert på dei tre livsløgnene om at vi ikkje treng å redusere utsleppa våre fordi det er betre å hjelpe klima der det er problem, at teknologien uansett vil hjelpe oss i framtida og at norsk olje og gass er med å redusere utslepp i andre land.

Trædal har fått stor merksemd for boka, og er nominert til både Kritikerprisen og Sørlandets litteraturpris.

Renate Nedregård, som intervjua Trædal, har bakgrunn som forfattar og journalist. Ho har mellom anna skrive ein uautorisert biografi om Erna Solberg, og har også jobba som kommunikasjonsrådgjevar for MDG i Hordaland i førre stortingsvalkamp.

Kortreist, grønt babystrikk

Etter presentasjonen vart det opna for spørsmål frå salen, og Trædal måtte svare på spørsmål om både atomkraft, Senterparti-ordførarar og lyntog.

Kvelden vart avslutta med boksignering og klimaprat.

Som takk for besøket fekk Trædal, som er vordane far, overrekt lokalstrikka babytøy frå Dagsenteret på Lurane. Det var sjølvsagt i grønt!

Fleire saker

  • Det vart høne i år òg ...

    19. april 2019

    Trass i lite snø vart det påskehøne - for niande året på rad - for familien Holdhus/ Vevle.

  • Påskeprat med Tove

    19. april 2019

    Fem kjappe spørsmål med Tove Tvedt Skarstein.

  • Maritas verd

    19. april 2019

    Marita Moe Sandven vart saman med Ole Amund Gjersvik headhunta til å spela under Festillene i Bergen - det er berre eitt av fleire prosjekt ho...

  • Undersøkte ulykkesstaden i natt

    19. april 2019

    Statens vegvesen og krimteknisk kopla inn grunna alvorlegheitsgraden av MC-ulykka i Industrivegen.

  • MC-ulykke i Industrivegen

    18. april 2019

    OPPDATERT: Motorsyklist henta av luftambulanse - skal ha køyrt inn i lyktestolpe.

  • Påskeprat med Eirik

    18. april 2019

    Fem kjappe spørsmål med Eirik Søfteland

  • Møkka tok straumen til 700

    18. april 2019

    Ein uheldig bonde på Bø kortslutta straumnettet - brannvesenet rykte ut og tok seg av vaskinga.

  • 700 utan straum i Os

    18. april 2019

    OPPDATERT: Klokka 12.30: Straumen tilbake for dei fleste - 57 kundar framleis utan straum. BKK melder om «driftsforstyrrelse»