Bølla med Betty

Betty Grable blei namnet på den første russebussen i Os. Rett nok med nokre innslag av Fana-russ. Under arbeidstittelen Stars and Stripes jobba russen seg gjennom vinteren med omfattande oppussing.

Les òg: Bussen blei Betty

Feiringa gjekk fint, bussen var godt utstyrt og medlemmane, som blant anna besto av skøyte-esset Sverre Lunde Pedersen, var uniformert i eksklusive Canada Goose-jakkar og utstyrt med eigen temasong til bussen.

Så var russetida over og bussen blei selt. For 100.000 kroner hamna Betty på Sandsli, men ungdomane frå Bergen sør var ikkje like heldige med investeringa.

Bussen er nemleg utsett for hærverk fleire gongar.

Først var nokon inne i bussen og stal spotlysa, no har dei knust frontruta, fleire lykter og gjort skade på døra i forsøk på å bryta seg inn, melder BA.no.