Bomma på vegen
Føret er ikkje det einaste folk slit med på glatten, enkelte klarer ikkje å skilja mellom veg og plen når snøen dekker alt.
Natt til fredag la snøen seg i Os for første gong etter sommaren.
Ein bossbil sette seg fast i Kolabakken - andre hadde problem over Vallaheiane.
På Lyngheim, som ikkje akkurat er den brattaste plassen i Os, har ein annan bossbil kjørt seg godt fast.
– Bilen kom seg fint opp til dei inste husa, men har tydelegvis bomma på vegen då den kjørte tilbake, fortel ein nabo.
Uhellet skjedde i 10.30-tida.
– Frykta at den skulle velta
Mannskapet om bord i RenoNorden sin bil har sidan prøvd med alt frå kjetting til stokkar under hjula, men har berre kome djupare og djupare ned i plenen.
– Eg frykta ei stund at bilen skulle velta, fortel naboen. Men no har dei endeleg, etter 2,5 time, slått av motoren, så dei har nok bestilt hjelp til å taua bilen opp igjen på vegen.
Bilen står så langt ut av vegen at personbilar fint kjem seg forbi.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.