Kultur | 10. feb. 2012

"Born to boogie"

30 ungdomar, leia av Terje og Anne Leni, øver for fullt til fem kveldar på rad med Hairspray i Nore Neset Aktvitietshus.

"Born to boogie"
Nv dei 30 ungdomane som deltar i musikalen Hairspray på Nore Neset i mars. (Privat foto)
Kjetil Vasby Bruarøy
Kjetil Vasby Bruarøyfredag 10. feb. 2012 09:02

Tracy Turnblad elsker å dansa og har ein draum om å opptre på det The Corny Collins Show, byens hippaste danseprogram på TV. Ho blir stadig påminna om hinderet hennar, den store runde figuren står i kontrast med motebildet og dei andre, syltynne dansarane.

Men Tracy let seg ikkje stoppa; ho er "born to boogie".

Zac Efron, John Travolta og Michelle Pfeiffer var blant dei som spelte i filmen Hairspray, som hadde premiere i 2007.

No er det ungdomsskuleelevar frå Os sin tur.

– Vi har 30 ungdomar i full gang med innspurten av denne morosame musikalen. Elevane kjem i hovudsak frå Nore Neset, men vi har også med flinke ungdomar frå Os, Lysefjorden, Søfteland, Hegglandsdalen og Fusa, seier Terje Neset.

Det er Nore Neset Grendalag som set op framsyninga, som skal gå i Nore Neset Aktivitetshus fem kveldar på rad, i midten av mars.

Sidan i haust har Terje, saman med kona Anne Leni Sæbø Søfteland, hatt øvingar med ungdomane. Dei har også fått god hjelp av Janie Laupsa til ein del danseinstruksjon.

– Vi har hatt det veldig kjekt, og trappar no opp fram mot premiere i fem fine kveldar i Symrasalen, seier Terje.

Handlinga foregår på 60-talet, ei tid der mange er skeptiske til den nye musikken og dansen, soul, rythm og blues. TV-stasjonen legg ned forbod mot denne musikken og ungdomane protesterer. Tracy blir ettersøkt av politiet, samstundes nærmar det seg kåringa av Miss Hairspray.

Korleis det heile går kan du sjå i Nore Neset Aktivitetshus frå onsdag 21. til søndag 25. mars.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.