Brann i busskur og butikktjuv fanga på kamera

I 14-tida onsdag fekk politiet melding om tjuveri frå ein butikk på AMFI Os.

– Mistenkte var ikkje på staden då vi kom fram, men er fanga på film, fortel politioverbetjent Audun Hadler-Olsen.

Politiet har identiteten til vedkomande, som er ein mann i 30-åra. Det er noko tekstil som er stole frå butikken.

– Vi har oppretta sak og kjem til å kontakta mistenkte.

Brann i busskur

Klokka 22.56 onsdag kveld kom det melding om brann i bosspann i eit busskur langs Hatvikvegen.

– Brannvesenet sløkte brannen raskt, men bosspannet er brent opp.

Bosspannet sto i eit busskur ganske nær ferjekaien.

– Det var ingen personar på staden då vi kom fram. Vi har oppretta sak og ønskjer tips frå eventuelle vitne om kven som har vore i området.