Brann i Strøno
– Det er full fyr bak ein låve, fortel Terje Håvardstun.
I 21.15-tida tysdag kveld rykte brannvesenet i Os ut til Nordstrøno.
– Meldinga gjekk ut på at det brann i ei campingvogn.
– Vi har nettopp kome fram til brannen, men har ikkje full oversikt enno, seier Terje Håvardstun frå Os brannvesen.
Brannvesenet kan førebels ikkje svara på om det er ei campingvogn det er brann i eller om det er fare for liv og helse.
– Men det er full fyr i bak ein låve, stadfestar Håvardstun.
OPPDATERT:
Brannen blei sløkt på cirka fem minutt.
– Det var bålbrenning i ein stålkonteinar. Vi fekk inn ei avstandsmelding og for naboane såg det ut som om det var brann i campingvogna som sto nokre meter vekke.
Det er forbod mot bålbrenning mellom 15. april og 15. september.
– Sjølv om det er vått i Os i dag ville vedkomande, om han meldte frå og hadde fått løyve til brenning, fått beskjed om å sløkka bålet før det var mørkt.
– Er det store opne flammar i mørket, sånn det var her, hender det ofte at vi får avstandsmeldingar og utrykning.
Politiet er på staden og følgjer opp saka.