Fleire meldte om brann då dei såg røyk frå Askvik i dag. (Lesarbilde, foto: Sjur Nikolai Skorpen Lepsøy og Helge Egil Kvernes)
Fleire meldte om brann då dei såg røyk frå Askvik i dag. (Lesarbilde, foto: Sjur Nikolai Skorpen Lepsøy og Helge Egil Kvernes)

Brannvesenet rykte ut til kommunen sitt bål

Fekk fleire meldingar om brann i Askvik.

Kjetil Vasby Bruarøy
09. januar 2020 - 10:34

Både Midtsiden og Os brannvesen fekk i formiddag fleire meldingar om mogleg brann i Askvik.

– Det er ikkje ein brann, men eit bål, og vi har sendt ut tankbilen for å sløkka det, seier brannsjef Eivind Hovden.

Bålet er i eit område der det «står» to hus som skal fjernast. Det eine skal brannvesenet øva i, og brenna ned, i løpet av våren. Det andre ligg demonert på bakkeplan.

– Det demonterte huset er reine masser, som vi før jul hadde førehandsvarsla øving og brenning av. Det låg nokre restar igjen, som teknisk eining i dag sette fyr på, men utan at det var førehandsvarlsa. Det gjorde at 110-sentralen fekk meldingar.

No blir bålet sløkt, og dei siste massane blir fjerna på ein annan måte. Huset som står igjen skal brennast ned som del av øving, men det blir ikkje i dag.

 

 

Les meir om

Lokal Brann og redning