Brøytebilsjåfør åtvarar foreldre

Mange er ute og nyter dei store snømengdene som har kome dei siste dagane, andre er på oppdrag for å rydda veg og fortau.

Nokre av snøryddarane fortel at dei fryktar å finna ungar inni brøytekantane.

– Våre folk er merksame på denne risikoen og gjer sitt beste for å unngå uhell, seier dagleg leiar i Lyse Drift, Jan Einar Strand.

– Men det er til hjelp om foreldre ber ungane halda seg vekke frå fortau og brøytekantar om dei vil bygga snøhole eller snøhytte.

Laurdag formiddag kunne ein av brøytebilsjåførane rapportera om ei slik snøhole.

– Vi ser dessverre tilsvarande snøholer kvar vinter.

Også tidlegare år har brøytebilsjåførar fortalt om denne risikoen:

Les òg– Den største skrekken er at ungar skal bygga snøhytte i brøytekanten

– Vi forstår at det er freistande på ungar å bruka snø som bilane våre har skubba opp i ein haug, men det er farleg. Vi kjem på nye brøyterundar, åtvarar Strand.

– Snøen dempar mykje av lyden, og om det er ungar inni brøytekantane kan det gå alvorleg gale.