BT: Blant dei beste seniorspelarane i Hordaland

I påsken har Bergens Tidende kome med fersk versjon av si kåring av dei beste fotballspelarane frå Hordaland.

Chelsea-spelar Maren Mjelde (29) tronar på topp på kvinnesida, mens Sarpsborg-spelar Kristoffer Zachariassen (25) klatrar og overtar topplasseringa etter fjorårsvinnar Fredrik Haugen på herresida.

Topp 25, kvinner

På lista over dei 25 beste kvinnelege fotballspelarane frå Hordaland finn vi éi frå Os, Madelen Koldal Holme (17) på 22. plass.

Madelen, som er på full fart tilbake frå operasjon etter å ha blitt skadd i ei stygg takling i fjor, skåra 1 mål på 2 kampar med Sandviken sitt A-lag i fjor, og 4 mål på 6 kampar med B-laget. Ho fekk NM-sølv i senior og avgjorde Noray Cup-finalen.

«Spennende spiss. Rask spiller med god teknikk. Har vokst opp med å spille med både gutter og jenter som er eldre enn seg selv» skriv BT.

Topp 50, menn

På lista over dei 50 beste herrespelarane finn vi tre frå Os;

12. plass: Vegard Leikvoll Moberg (28) må tola å mista éin plass etter ikkje å ha skåra mål i Eliteserien i fjor, «men er god no», har BT fått med seg om Bodø/Glimt-spelaren.

33. plass: Nest-Sotra-kaptein Bjarte Haugsdal (29) klatrar 12 plassar. Ein «unsung hero», meiner BT. På plassen bak finn vi nykomar Ståle Steen Sætre, som gjekk frå Lysekloster via Nest til Aalesund, «ein uhyre ambisiøs type».

49. plass: Ole Martin Lekven Kolskogen (18) er nykomar på lista. «Bra fart og astort potensiale» meiner BT om Åsane-spelaren frå Os.