Bugnar av snadder
– Det blei lite søvn, seier utstillarane som rigga til europeisk marknad i Os sentrum i natt. Sjå bildeserie av snop, kaker, ost og eksklusive såper.
Bildeserie:
European Market er på plass i Os igjen. Besøket under marknadsdagane i Os i juni i fjor blei ein stor suksess for dei franske, italienske, spanske og britiske utstillarane, med fleire, no håper dei på god handel ei halvkald maihelg i Os.
– Vi kom frå Bergen seint i går kveld og rigga fram til rundt klokka 2 i natt, fortel ein av dei italienske utstillarane.
– Så var det opp igjen i 5-tida for å gjera klar til opning klokka 7, fortel ein annan.
No står utstillarane tett på torget framfor Libris og innover Telthusplassen bak Bakketeig.
Snop, ost og kaker
I utvalet finn vi blant anna mykje ost, spesielt frå Frankrike, Nederland, Sveits og Italia, mykje snop og kaker, både britisk og italiensk, eksklusive såper frå Provence og litt smykker frå europeiske brukskunstnarar.
Utstillinga står utover ettermiddagen og marknaden held også søndagsope.
I bildeserien over ser du delar av det fristande utvalet.