Lokal | 23. okt. 2016

Bygger benkar for skule og Ervikane

– Før hadde vi ingenting å fylla dagane med, no har vi nesten for mykje, seier Emil.

Bygger benkar for skule og Ervikane
Fleire elevar var skodelystne då vennebenken på Lysekloster skule skulle monterast. (Foto: KVB)
Kjetil Vasby Bruarøy
Kjetil Vasby Bruarøysøndag 23. okt. 2016 17:37

Bildeserie:

Vartun stilte som B-Gjengen og stal 2. plass i Dragebåtfestivalen i august. (Foto: KVB)
Vartun stilte som B-Gjengen og stal 2. plass i Dragebåtfestivalen i august. (Foto: KVB)
Her er nokre av artane dei har fiska i oktober. (Privat foto)
Her er nokre av artane dei har fiska i oktober. (Privat foto)
Førebuingane blir gjort på Vartun. (Foto: KVB)
Førebuingane blir gjort på Vartun. (Foto: KVB)
Garasjen er i ferd med å bli ombygd til verkstad. (Foto: KVB)
Garasjen er i ferd med å bli ombygd til verkstad. (Foto: KVB)
Fredag blei vennebenken frakta til Lysefjorden. (Foto: KVB)
Fredag blei vennebenken frakta til Lysefjorden. (Foto: KVB)
Emil og Kristoffer er glade for at dei no får fylla dagane med noko meiningsfullt. (Foto: KVB)
Emil og Kristoffer er glade for at dei no får fylla dagane med noko meiningsfullt. (Foto: KVB)
Vennebenken er gjeven i gåve. (Foto: KVB)
Vennebenken er gjeven i gåve. (Foto: KVB)
Ferdig benk. No skal det byggast benkar i tre til fleire BOF-område. (Foto: KVB)
Ferdig benk. No skal det byggast benkar i tre til fleire BOF-område. (Foto: KVB)
Emil og Tor Arne tok ein test av benken. (Foto: KVB)
Emil og Tor Arne tok ein test av benken. (Foto: KVB)
1 av 9
Vartun stilte som B-Gjengen og stal 2. plass i Dragebåtfestivalen i august. (Foto: KVB)
Her er nokre av artane dei har fiska i oktober. (Privat foto)
Førebuingane blir gjort på Vartun. (Foto: KVB)
Garasjen er i ferd med å bli ombygd til verkstad. (Foto: KVB)
Fredag blei vennebenken frakta til Lysefjorden. (Foto: KVB)
Emil og Kristoffer er glade for at dei no får fylla dagane med noko meiningsfullt. (Foto: KVB)
Vennebenken er gjeven i gåve. (Foto: KVB)
Ferdig benk. No skal det byggast benkar i tre til fleire BOF-område. (Foto: KVB)
Emil og Tor Arne tok ein test av benken. (Foto: KVB)

Prosjektet «Livskvalitet», som starta ved Vartun Oppfølgingsteneste i vinter, har blitt endå meir omfattande.

Frå padleturar på Røykenesvatnet og hestestell på Berge har det blitt 2. plass i Dragebåtfestivalen, handverkaroppdrag og vellykka fisketurar på brukarane.

– Vi var heldige og fekk låna båt, brygge og naust hos dei på Kuhnle. Hausten har vore super, med krabbefiske, hummarfiske og, no i det siste, haifiske, fortel Emil.

Blekksprut og haifiskane pigghå og hågjel er blant fangstane i oktober.

– Det blir litt internkonkurranse av det òg, kven får første fisk og kven får størst. Og så samarbeider vi om det å få flest mogleg artar. No er vi oppe i 29.

Gav vennebenk i gåve

Fredag var han med Kristoffer og tilsett ved Vartun, Tor Arne Hitland, med ei gåve til Lysekloster barneskule.

– Vi spurde om dei ville ha ein vennebenk, og rektor Ole Lars Strønen takka ja, fortel Hitland mens benken blei montert.

Ein vennebenk fungerer sånn at du kan setja deg på den om du ikkje har nokon å leika med.

Les òg: – Treng du nokon å leika med? (Vennebenken i Øyane)

– Det er bra vi får vennebenk, for eg veit om ein som ikkje hadde noko å leika med i storefri i dag, seier ein av elevane som kom skodelysten bort til «byggeplassen» der benken blei sett opp.

Fekk bygge- og vedlikehaldsoppdrag i Ervikane

Hitland seier Vartun er heldig som har så mange og flinke brukarar og hjelparar.

– Fleire har bakgrunn innan faget og mange er lærevillige og ivrige. Dette gjer dagae kjekkare både for brukarane og oss tilsette.

Nyleg var avdelingsleiar ved Vartun, Arve Frostad, i dialog med Bergen og Omland Friluftsråd (BOF).

– Vi fekk ansvar for lettare vedlikehald i Ervikane og BOF hadde med seg ein heil pakke med oppdrag.

No skal Livskvalitet-gruppa bygga både infoskilt, kasse til redningsbøye og 10-15 benkar til ulike friluftsområde.

Arbeidslaget har bygd platting og tilbygg utanfor garasjen på Vartun. Garasjen er i ferd med å bli ominnreia til verkstad.

– LAR har fått ein ekstra R

Både Emil og Kristoffer har fartstid i byggebransjen. Emil har gått tømrarlinja og jobba innan faget, Kristoffer har vore forskalingssnekker i 12 år.

– Eg synest prosjektet er veldig bra. Det er eit positivt miljø når vi jobbar saman, det er lettare å få dagane til å gå og det er lettare å halda seg unna rus. Det er rett og slett meiningsfullt, seier Kristoffer.

– LAR står for legemiddelassistert rehabilitering. Med dette er det som om LAR har fått ein ekstra R. Det var rett og slett ikkje noko rehabilitering før, sånn eg ser det. Før hadde vi ingenting å gjera på, no har vi nesten for mykje, seier Emil.

Blir sponsa

29 ulike brukarar har til no deltatt i prosjektet, både dei som bur på Vartun og andre, som bur heime.

– Vi har svært begrensa med midlar, men møter ei enorm velvilje både hos lokale verksemder og hos andre, seier Hitland.

Vartun får gode prisar og gratis varer når dei treng noko.

– Neste steg no er arbeidsklede. Når vi skal i Ervikane og andre stadar å jobba er det fint om vi framstår som det arbeidslaget vi er, seier Tor Arne.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.