Bygger stort og nytt på branntomta

Lyssand Gartneri aukar frå 15.000 til 20.000 kvadratmeter.

Dagleg leiar og hovudaksjonær i Lyssand Holding AS, Thomas Lyssand. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøysøndag 17. des. 2017 14:19

Bildeserie:

Oleksander og Valery med humøret på topp. (Foto: KVB)
Laurdag 15. mars 2008 braut det ut brann i eit av gartneria. (Foto: KVB)
Store verdiar gjekk tapt. (Foto: KVB)
Over 20 personar var i arbeid då brannen braut ut. (Foto: KVB)
No blir det bygd nytt på branntomta. (Foto: KVB)
Nybygget blir reist på baksida av gartneriet. (Foto frå 2012: KVB)
Det danske firmaet Vimose står for bygginga. (Foto: KVB)
I kjellaren kjem 1500 kvaratmeter kjølerom. (Foto: KVB)
I resten av gartneriet er det høgsesong og to skift før jul. (Foto: KVB)
Oleksander og Valery med humøret på topp. (Foto: KVB)
Laurdag 15. mars 2008 braut det ut brann i eit av gartneria. (Foto: KVB)
1 av 9
Laurdag 15. mars 2008 braut det ut brann i eit av gartneria. (Foto: KVB)
Store verdiar gjekk tapt. (Foto: KVB)
Over 20 personar var i arbeid då brannen braut ut. (Foto: KVB)
No blir det bygd nytt på branntomta. (Foto: KVB)
Nybygget blir reist på baksida av gartneriet. (Foto frå 2012: KVB)
Det danske firmaet Vimose står for bygginga. (Foto: KVB)
I kjellaren kjem 1500 kvaratmeter kjølerom. (Foto: KVB)
I resten av gartneriet er det høgsesong og to skift før jul. (Foto: KVB)
Oleksander og Valery med humøret på topp. (Foto: KVB)

Det er høgsesong hos Lyssand Gartneri. I førre veke gjekk dei over til to skift, med folk i jobb frå 6 om morgonen til midnatt.

– Nett no har vi 3,3 millionar tulipanar i gartneriet. Det er fylt nesten heilt opp, berre morsdag og påske er travlare, då har vi fullt gartneri med 4 millionar tulipanar i dei to gartneria våre, fortel dagleg leiar og hovudaksjonær i Lyssand Holding AS, Thomas Lyssand.

Samtidig blir det jobba med ekspansjon. På tomta der det brann i 2008 kjem det endeleg opp eit nytt gartneri.

5600 + 1500 kvadratmeter

– Vi bygger nytt og større enn det som var. 5600 kvadratmeter skal stå ferdig i februar. Så blir det ein månad med innreiing, men i mars må vi ha produksjon også her.

I tillegg kjem 1500 kvadratmeter kjølerom i kjellaren, der brannen starta laurdag formiddag 15. mars for nesten ti år sidan. Både Thomas, pappa Bård og 25 andre var i fullt arbeid då det kom svart røyk opp frå kjølelageret.

Ingen blei skadd i brannen, men blomar for millionar gjekk tapt. 2008 er Lyssand Gartneri AS sitt einaste år med negativt driftsresultat dei siste ti åra.

– Det har ikkje vore noko særleg å sjå på denne branntomta alle desse åra. Vi blei hjelpen med det nye gartneriet oppe langs Skeisflaten, men no er det både rom for, og behov for, å utvida.

Investerer 16 millionar kroner

Det var i september at danske Vimose starta bygginga av nytt gartneri på Skeie.

Eigedomsselskapet Gartneritomten AS bruker 16 millionar kroner på nybygget.

– Sjølv om nybygget oppe veg vegen var større og dyrare, med prislapp på 36 millionar, er også dette ei stor satsing av oss, seier Lyssand.

• «På innsio»: Sjå videoreportasje frå Lyssand Gartneri (2015)

Veksta tilseier at det skal vera behov for auka areal.

Frå 2013 til 2016 vaks omsetnaden til Lyssand Gartneri AS frå 32,8 til 50,1 millionar kroner. Til samanlikning var omsetnaden 22,8 millionar i 2007 (ned til 17,2 mill. i brannåret 2008).

– Veksta held fram. I år landar vi på rundt 60 millionar kroner, i 2018 kjem vi nok opp i 70 millionar.

Også søsterselskapet Lyssand Blomstersalg har meir enn dobla på ti år, frå 42,4 millionar i 2007 til 63 mill i 2013 og 96,7 millionar i 2016.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.